Bakı Peşə Hazırlığı Mərkəzi və “ÇakÇuk” startap layihəsi ilə əməkdaşlıq çərçivəsində “İstilik şəbəkəsi avadanlıqlarının təmiri üzrə çilingər” peşəsi üzrə hazırlıq kursutəşkil olunub. Hal-hazırda müdavimlər nəzəriyyə tədrisi mərhələsindədir. Nəzəri təlim, istehsalat təlimi və istehsalat təcrübəsindən ibarət olan kurs 2 ay davam edəcək. Bu müddətdə müdavimlər, ölkə üzrə təyin olunan minimum aylıq əməkhaqqı məbləğində təqaüdlə təmin olunacaq, buraxılış imtahanından müvəffəqiyyətlə keçən məzunlar işlə təmin olunacaq.
